యంగ్ టైగర్ యన్ టీ ఆర్, మెగా పవర్ స్టార్ రామ్ చరణ్ హీరోలుగా ఏస్ డైరెక్టర్ ఎస్ ఎస్ రాజమౌళి దర్శకత్వంలో డి వి వి దానయ్య నిర్మిస్తున్న మాగ్నమ్ ఓపస్ ఆర్ ఆర్ ఆర్ విడుదల తేదీని ఈ ఏడాది జూన్ నుంచి వచ్చే ఏడాది జనవరి 8కి మార్చిన విషయం విదితమే.
కాగా ఆర్ ఆర్ ఆర్ చిత్ర ప్రదర్శన హక్కుల కోసం పంపిణీదారులలో పోటీ జరుగుతోంది. తాజాగా ఈ చిత్రానికి సంబంధించి నైజాం ఏరియా హక్కులను ప్రముఖ నిర్మాత దిల్ రాజు ఫ్యాన్సీ రేట్ కి సొంతం చేసుకున్నట్టు ఫిలింనగర్లో ఓ టాక్ నడుస్తోంది. ఈ సంక్రాంతికి విడుదలైన రెండు చిత్రాలు దిల్రాజ్ విడుదల చేసి భారీ లాభాలు ఆర్జించారని, అదే స్తాయిలో ప్రేక్షకులకు అందనున్న ఈ డబల్ఢమాకా సినిమా దిల్రాజుకు లాభాలు పంట పండించడం ఖాయమంటున్నారు సినీ జనాలు.
