పరిశ్రమ పరిశ్రమలో ‘స్క్రిప్ట్ డాక్టర్’గా సుప్రసిద్ధులైన కె.ఎల్.ప్రసాద్ ని దర్శకుడిగా పరిచయం చేస్తూ, బుజ్జి బుడుగు ఫిలిమ్స్ పతాకంపై డాక్టర్ అరుణకుమారి నిర్మించిన చిత్రం ‘స్క్రీన్ ప్లే’. ఈ చిత్రానికి‘ఆఫ్ ఏన్ ఇండియన్ లవ్ స్టొరీ’ అన్నది ట్యాగ్ లైన్
విక్రమ్ శివ-ప్రగతి యాదాటి హీరోహీరోయిన్లుగా నటిస్తున్న ఈ సినిమా అన్ని కార్యక్రమాలు పూర్తి చేసుకున్న ఈ చిత్రం విడుదలకు సిద్దమైంది.
కాగా ఈ చిత్ర ట్రైలర్ ను బుధవారం ప్రసాద్ ప్రసాద్స్ గ్రూప్స్ అధినేత రమేష్ ప్రసాద్ విడుదల చేసారు. సుప్రసిద్ధ రచయిత పరుచూరి గోపాలకృష్ణ వ్యాఖ్యాతగా వ్యవహరించిన ఈ కార్యక్రమంలో ప్రముఖ రాజకీయ విశ్లేషకులు పరకాల ప్రభాకర్, ప్రఖ్యాత రచయిత విజయేంద్రప్రసాద్, జె.కె.భైరవి, ఆర్.నారాయణ మూర్తి, సంగీత దర్శకురాలు ఎం.ఎం.శ్రీలేఖ, హీరో విక్రమ్ శివ, హీరోయిన్ ప్రగతి యాదాటి, నిర్మాత డాక్టర్ అరుణకుమారి, నటుడు-దర్శకుడు కె.ఎల్.ప్రసాద్ పాల్గొన్నారు.
ఈ సందర్భంగా రచయిత విజయేంద్రప్రసాద్ మాట్లాడుతూ ఈ సినిమాను ప్రతి ఒక్కరూ చూసి తీరాల్సిన సినిమా అని అన్నారు. ఇప్పటికే పలు అంతర్జాతీయ చలన చిత్రోత్సావాల్లో ప్రదర్శితమైన ఈ చిత్రం మన తెలుగు సినిమాకు గర్వకారణం అని, మూడే మూడు పాత్రలతో రెండు గంటలు కట్టి పడేసే ఒక అద్భుతం అని అన్నారు.
